الرئيسية
إن الحمد لله ، نحـمده ونستـعـينه ونستغفره ، ونعوذ بالله من شرور أنفسنا ، وسيئات أعمالنا من يهده الله فلا مضل له ، ومن يضلل فلا هادي له ، وأشهد أن لا إله إلا الله وحده لا شريك له ، وأشهد أن محمداً عبده ورسوله ,,
موضوعي اليوم يااخواني ويااخواتي الغاليين جميعا ً على قلبي ,,
عن المطاوعــه أو (الدينييـن )== على قول أخوانا وحبايبنا الحضر حفظهم الله وحفظكم جميعا ً ,,
بالبدايـه بعترف لكم بشيء وهذا الشيء حصل قبل الهدايه ,,
كنت لما أشوف أي مطوع أغـار منـه وأقـول هني ياله وياحظه !! تعرفون ليش ؟؟
أنا أقولكم ليش //
لانه رجال خايف الله وصحيح ان احنا كلنا خايفين الله ولكن شنو الفرق بينا وبين المطوع او المطاوعه؟؟
انهم مايرتكبون أو يفعلون أشياء تغضب الله وتعصيه بغض النظر عن الأشياء الغير مقصد منها .. وحتى لو فعلوها
بحينها او بعدها بفتره بسيطه يستغفرون الله ويتوبون على فعلتهم ,,
ومثلا ً : يقولي واحد او وحده ,, المطاوعه مايخطئون وانت شعرفك فيهم ومن هالكلام ... إلخ
رد عليهم : أقول ليش مايخطئون أنبياء اهما ولا على راسهم ريشه ؟؟
الصحيح كل إبن آدم يخطي ومافي أحد كامل إلا سبحانه وتعالى أهو الكامل لا شريك له سبحانه ,,
وعشان محد فيكم يظن فيني ظن السوء وإني أكرهه المطاوعه ( للعلم أنا مطوع )
وأكيد مأاشوهه سمعت المطاوعه عشان موضوع اكتبه خلال يوم ولا يومين ينسى او آخذ منه ذنب ,,
فلا أحد فيكم يآخذ علي فكره ولا يظن فيني ظن السوء --- قال تعالى : ( إن بعض الظن إثم )
وحرصاً وخوفاً عليكم مابي ولا احد فيكم يآخذ هذا الإثم وإللي ظن السوء فيني انا مسامحه وخل يتطمن ويحط ببطنه
بطيخه صيفي مثل مايقولون ,,
أدري طولت عليكم وللحين ما دشيت بالموضوع أو ماتعمقت بالموضوع بس ماعليه تحملوني شويه ,,
----------------------------------------------------------------------------------------------------------------------------------------------------------------------------
بالنسبه للكلام إللي قلته بالسابق عن ان المطاوعه لو اخطئوا مثلاً بحينها او بعد فتره يستغفرون الله ويتوبون له ,,
امـا احنـا ؟؟ شرايكم ؟؟ فكروا شوي ؟؟ بعد شوي ؟؟
هـل نستغفر أو نتوب مثلهم ؟؟ أو أنه نتذكر الخطأ اللي سويناه ؟؟
الجواب // ما يحتاج أكيد لا وبالعكس ننسى وطاف نقول ماعليه الله يهدينا او من هالكلام
بغض النظر عن الأقليه إللي يقولون لا احنا نتوب او نتستغفر الله .. أحب اقول كلامكم على العين والراس من فوق
ولكن الأغلبيه لالا ومع الأسف ,,
عندي سوالف كثيره عن المطاوعه وبذكر أشياء منها وبعدين بعلق عليها وأنتبهوا يااخواني ويااخواتي على هذي
الأشياء !! ترى فعلاً مهمه كثير وإياكم تقرون شي وتخلون شي !! ,, ومن الأشياء هذي انا شفتها وسمعتها ..وسمعوها :
قبل الهدايه //
1- شفت مطوع يدخن .. 2- شفت مطوع مع زوجته بالسينما ... 3- شفت مطوع يغازل .
4 - سمعت واحد من الربع يقولي : ان لقى مطوع بكزنوا وبيده خمر والبنات يمينه ويساره واهو غرقان بالسكر
والعياذ بالله بأحد الدول العربيه ,, إلخ هذه السوالف إللي تحصل ويانا
بعلق عليهم جميعا .. وطبعا ً في سوالف كثيره بس خلونا على هذيلا واعتقد انهم كافيين ,,
بالنسبه للمطاوعه إللي شفتهم ( يدخن -- يغازل---بالسينما ) -- وإللي سمعت عنه ( مطوع بكزنوا )
بالعقل ياخواني وياخواتي هل هذيلا فعلا ً مطاوعه؟؟
ناس راح تقولي : أكيد مطاوعه !! ماتشوف لحايايهم شطولها ودشداشته (ثوبه ) قصير ؟؟
وناس راح تقولي : مااعتقـد انهم مطاوعـه وطبعا ً هذيلا الناس ماتقول هالكلام إلا انهم سامعين وعارفين الجواب الصحيح
================================================== =====================================
الجواب عليه هذي الأشياء //
كل إللي ذكرتهم مو مطاوعـه تدرون ليش؟؟
لانه في ناس تربي لحيه وتقصر الدشداشه ( الثوب ) عشان مصلحتها وللأسف شوهوا سمعت المطاوعه الطيبين ,,
وفي ناس تربي لحيه وتقصر الدشداشه ( الثوب ) عشان التفاخر والسمعه بين الناس ان فلان مطوع واهو عكس ذلك ,,
وطبعا هذا المثل ينطبق على المنافقين---الله يبعدنا عنهم جميعا ً
وفي ناس تربي لحيه وتقصر الدشداشه ( الثوب ) عشان عليهم نذر او حلفوا انهم مثلا ً عشر او عشرين سنه او إلين مايموت
واهو مايحلق لحيته بس جذي عنـاد او أنه يبي يشوهه سمعه المطاوعه والعياذ بالله منهم ,,
وفي ناس تربي لحيه وتقصر الدشداشه ( الثوب ) عشان تطبق السنه بس وتقول المهم أطبق السنه وأسوي إللي ابيه أو
مثل مايقولون شيء أحسن من لا شيء ,,
مابي اطول عليكم اكثر من هالكلام لانه في كلام كثير ودي اقوله ,, بس ماعليه تحملوني شوي ,,
فخلاصه للكلام اللي قلته أنكم لا تحكمون على شخص بشوفه وحده بس !! وانتم شدراكم يمكن هذا الشخص واحد من إللي
ذكرتهم ,, وارجوكم لا تستعجلون بالسيئه قبل الحسنه ,, وحاولوا انكم تحسنون الظن بالشخص قبل لا تظلمونه ,,
------------------------------------------------------------------------------------------------------------------------------------------------------------------------------
اخواني واخواتي الغاليين ,,
صدقوني يا احبائي مو عشان انا مطوع إني قاعد ادفع عن المطاوعه !! لا والله يالغاليين انا مادافعت إلا هالشي انا
شفته وعرفته ولا تنسون مثل ماقلت انا شفت وعرفت هذي الأشياء قبل الهدايه وحتى نفسكم ظنيت فيهم ظن السوء
وطاحو من عيني المطاوعه بس بالنهايه عرفت إني اخطيت وظلمت المطاوعه والسبه هذيلا الأشخاص إللي ذكرتهم لكم
والله يهديهم إن شاء الله ويهدينا وياهم --- اللهم آمين ,,
------------------------------------------------------------------------------------------------------------------------------------------------------------------------------
نتعمق اكثر واكثر بالموضوع //
كثير منا لما يشوف مطوع او يسمع شخص تطوع يقول : مسكين تعقد هالولد الله يعينه وين توهق وصار وياهم ,,
وهالشي انا قلته وللأسف ونصحت رفيجي لما تطوع قلت له يااخي انت ليش تتعقد من صغرك؟؟ وعسى الله يغفرلي
طبعا رفيجي : قالي الله يهداك وأي تعقد هذا؟ إللي يتقرب لله سبحانه وتعالى يصير معقد ؟؟
قلتله يااخي انت صلي وعيش حياتك ( يعني ابي يمشي بالدرب إللي مشيته )-- والعياذ بالله
بس بالنهايه هل سمع كلامي؟؟ لالالالا وقالي الله يهداك ( واشوه انه ما سمع كلامي ولا كان بذمتي والله )
وفي ناس تقول عن المطاوعه انهم متشددين وانهم نفسيه وانهم يظلمون ومايخافون الله ومن هالكلام ....إلخ )
تعليق على هالكلام //
أقولكم فعلاً ومعاكم حق باللي قلتوه وللأسف بعض المطاوعه الله يهداهم ويهدينا وياهم ماخذين الدين على جهاله
(طبعا شلون على جهاله ) : يعني مسكين مايعرف شنو أهو الدين واول ماتطوع بس عرف ان هذا الشي حرام على طول
حرمه ونسى ان الله غفور رحيم وعلى طول هم كفرك ويقول ان كافر بما انك اتجهت لهذا الطريق الحرام خلاص انت كافر
وإلخ .. والعياذ بالله ---- وهذا الشي غلط بغلط وللأسف انهم نسوا ان الدين يسر مو عسر ,,
ومع كل الأسف ان حتى لو نناقشهم او ننصحهم احنا يالمطاوعه اللي ماخذين الدين على يسر !! ( الحين صار تفرغه بين
مطاوعه متشددين ومطاوعه ماخذين الدين على يسر مو عسر مثل اخوانا هداهم الله )
مثلا ً حتى لو نبي نناقشهم مايعطونا مجال حق النقاش ويظنون فينا السوء والبعض منهم يتهمونا أن احنا السبب في
فساد الشباب والبنات ليش؟؟ لاننا ما شددنا عليهم بالبدايه ولا كان ما صار هذا الفساد !!
وارجع واقول الفسـاد كان بعصر الأنبياء الطاهرين يعني مو جديد علينا لما نشوفه بعصرنا هذا ,,
فأحب اختصر لكم وادري اني طولت عليكم كثير بس للعلم في بعض الشباب والبنات طلبو مني أفسر تفسير بشكل اوضح
وحتى لو كان اكبير ماعليه المهم يفهمونه ويستفيدون منه ,, وبصراحه ماحبيت ارد طلبهم واتمنى اني اكون وضحت
بشكل مفهموم واوضح وتستفيدون منه جميعا ,,
وآخر ماقوله واهوا الغريـــــــــــب والعجيــــــــــــــــــــب والمدهــــــــــــــــــــــــــــــش !!
تعرفون هذيلا المطاوعه المتشددين شنو مصيرهم يوم الحشر؟؟؟؟
اكيد الحين الكل استغرب من كلامي !!
واكيد البعض يقول ليش تشددهم هذا عليه حساب خاص ؟؟ بالرغم من انهم يصلون ويشهدون بالشهادتين ؟؟ !!
اقولكم ايه يالغاليين لهم حساب خاص ومو أي حساب عقاب .. تعرفونه شنو اهوا ؟؟
قبل لا يتحاسبون //
الله سبحانه وتعالى يعطي كل متشدد بالدين شعرتيين (شعرتان ) !!
شعرتيين يعني شعر ه من شعر راسك !! على جزئين وطبعاً تخيلوا معاي هذي الشعرتين !!
تتوقعون شكبرهم او شطولهم؟؟ سامعين بشي اسمه نتفه؟؟ او صغير مره !!
هذيلا اهم ,,
الله سبحانه يعطيهم هذيلا الشعرتيين ويطلب انهم يعقدون بين الشعرتين !! وبعدها إذا عقدوها يتحاسبون وتخيلوا إنهم
ما قدروا يعقدونها ؟؟ شيصير وياهم ؟؟ --- طبعاً مااحب افتي بهذا الشي ولكن العلم عند الله سبحانه وتعالى ,,
فنسأل الله عزوجل ان يهديهم إلى الدين اليسر ويبعد عنهم العسر ,, ويهدينا وياهم إلى سواء السبيل
وآسف جداً على الإطاله وبصراحه عندي كلام ضعف اللي كتبته بس اكتفي بهذا الكلام وسامحوني على الإطاله
تقبلوا مني خالص التحيه وكل الإحترام
واتمنى فعلاً انكم استفتدوا من هالموضوع
